Tina Carr & Annemarie Schöne - Oriel Isaf

Colli a Chanfod
Dyddllun 4 Gorffennaf - Dyddmercher 27 Gorffennaf 200

Datganiad Personol
Colli a Chanfod

Rydym yn gweithio ar y cyd. Cydlyniad, angerdd ac atebolrwydd personol yw’r daliadau sy’n hanfod i’n gwaith.
Mae ffotograffiaeth i ni yn gyfosodiad rhwng y ffotograffydd a thybiaethau sy’n deillio o weld yn fras a gweld yn gyson. Byddwn yn ceisio mynd y tu hwnt i gywirdeb ffotograffig arwynebol, naturoliaeth arwyneb, er mwyn cyrraedd y fan honno lle mae ysbryd y llun yn mynd yn ôl-syllol, myfyriol, ac nid yn gymaint dogfen ond yn dalismon neu grair.

Mae’r casgliad hwn, ‘Colli a Chanfod, Oriau Tra Ffrwythlon Tina ac Annemarie’ yn gyfres o ffotograffau bywyd llonydd dogfennol sy’n darlunio golygfeydd gwledig yng Ngorllewin Cymru yn ystod y cyfnod o drawsnewid rhwng y ffordd amaethyddol amlwg o fyw a’r hyn sy’n dod yn ei lle. Gwelir y traddodiadol a’r gwerthoedd cysylltiedig yn cael eu herydu fwy fwy. Mae ffactorau economaidd, cyfarwyddyd y llywodraeth a cholli cymorthdaliadau yn gorfodi’r ffermwyr, a fu unwaith yn geidwaid y tir, i arallgyfeirio neu adael y tir yn gyfan gwbl. A hwythau wedi’u hamddifadu o ofal a chonsyrn, daw cymunedau a Natur ei hun i brofi’r tyndra a’r straen sy’n deillio o’r newidiadau dramatig sy’n digwydd.

Mae’r delweddau hyn yn galw i gof ddelweddau defosiynol manwl a thrylwyr y goliwiadau sydd i’w gweld yn y ‘Books of Hours’, ac yn arbennig y rhai hynny sy’n ymddangos yn y cyfnod hwnnw yn Hanes Celfyddyd lle gwelir artistiaid yn dechrau lluniadu’n uniongyrchol o fyd Natur. Ystyrir fod y cyfwng hwn yn cynrychioli diwedd y cyfnod Canoloesol a dechrau’r Dadeni - enghraifft arall o drawsnewid dramatig iawn. Yn yr un modd ag roedd artistiaid y cyfnod hwn yn archwilio deddfau golwg yn y byd o’u cwmpas, felly hefyd rydym ninnau, gyda’r un dwyster, yn archwilio’r byd ffisegol o’n cwmpas.

Rydym yn edrych yn ddyfnach nag a wnaethom erioed ar ein hamgylchoedd beunyddiol, ar ddarganfyddiadau neilltuol a mannau cyfarwydd, a hynny gyda llygaid newydd.

Hefyd yn arddangos yn Mwldan Uchaf- Kevan Coulton - Pobl, Lleoedd a Phethau

Amserau Agor yr Oriel
10yb - 8yh Dydd Llun - Dydd Sul

Arddangosfeydd y Gorffennol a'r Dyfodol | Arddangosfeydd Presennol | Polisi y Celfyddydau Gweledol | Gyfarwyddiadaus