Dylid ystyried y polisi hwn yng nghyd-destun ehangach
Polisi Rhaglennu Theatr Mwldan

Cyflwyniad

Mae Theatr y Mwldan yn ganolfan i’r celfyddydau ac adloniant ac mae o bwys mawr strategol yng Nghymru. Mae gweithgareddau’r Theatr yn adlewyrchu natur gymhleth y Gymru newydd, amlochrog, yng nghyd-destun y byd ehangach, tra’i bod yn cydnabod yr amrywioldeb sydd i’w weld yn y gymuned mae’n ei gwasanaethu yn ogystal â diwylliant a threftadaeth ieithyddol y genedl. Mae Theatr y Mwldan yn dathlu ei hunaniaeth Gymreig sydd wedi ei gwreiddio yn yr etifeddiaeth honno, ond mae hefyd yn estyn allan at genedl amrywiol, agored sy’n edrych y tu hwnt iddi ei hun.

Rhaid i Bolisi Theatr Mwldan ar Y Celfyddydau Gweledol adlewyrchu’r hunaniaeth hon ac mae’n atgyfnerthu set o gredoau a werthoedd sylfaenol, cyffredinol megis cynwysoldeb, goddefiad, rhyddid a mynegiant, cyfleoedd cyfartal ac amrywioldeb diwylliannol. Rhennir y credoau hyn gan y Bwrdd a staff Theatr y Mwldan ac maent yn tanlinellu hunaniaeth sylfaenol Oriel Mwldan.

Mae gweithgareddau’r celfyddydau gweledol yn Theatr y Mwldan yn cael eu cyflwyno drwy gyfrwng yr oriel newydd, Oriel Mwldan, sydd wedi ei chodi fel rhan o Gynllun Datblygu Theatr y Mwldan.

Prif amcanion y polisi yw:

• Cydnabod pwysigrwydd y celfyddydau gweledol a chrefftau yn rhaglen gyffredinol Theatr y Mwldan.

• Datblygu hunaniaeth glir ar gyfer gweithgareddau’r celfyddydau gweledol a chyflwyno arddangosfeydd o safon uchel er mwyn sicrhau enw da am ragoriaeth.

• Cyflwyno arddangosfeydd teithiol sydd o bwys yn genedlaethol ac yn rhyngwladol o fewn i’r cyfyngiadau sy’n bodoli.

• Darparu cyfleoedd arddangos i artistiaid, gwneuthurwyr a ffotograffwyr lleol -proffesiynol ac amatur fel ei gilydd - gan gynnwys y rheiny sydd ar ddechrau eu gyrfa.

• Annog y nifer fwyaf posibl o blith y cyhoedd i fynychu arddangosfeydd gan geisio darparu’r cyfle hwn yn rhad ac am ddim.

• Darparu cyfleoedd addysgol yng nghyd-destun y celfyddydau gweledol, lle bynnag y bydd hynny’n bosibl, mewn cydweithrediad ag ysgolion lleol, colegau, artistiaid ac aelodau’r cyhoedd o safbwynt darparu cyflwyniadau, arddangosfeydd, gweithdai a chyrsiau preswyl, lle bo hynny’n addas.

• Dathlu amrywioldeb diwylliannol cyfoethog Cymru yn lleol ac yn genedlaethol.

• Cychwyn a chynhyrchu arddangosfeydd, gwaith a phrosiectau i’w harddangos yn Oriel Mwldan a’u cludo ar daith i leoliadau eraill.
•Cydnabod y cysylltiadau rhwng y celfyddydau gweledol a ffurfiau celfyddydol eraill sy’n cael eu cyflwyno yn Theatr y Mwldan.

• Datblygu a gwireddu cyfleoedd creadigol i ddatblygu’r celfyddydau gweledol sy’n cael eu cynnig drwy’r berthynas weithio glos y’n bodoli rhwng Theatr y Mwldan a Mwldan Creadigol.

• Cysylltu arddangosfeydd gyda digwyddiadau a gwyliau lleol a chenedlaethol fel ei gilydd.

• Marchnata a rhoi cyhoeddusrwydd i holl arddangosfeydd a gweithgareddau Oriel Mwldan i gynulleidfa mor eang â phosib.

• Datblygu ymhellach y dasg o farchnata’r celfyddydau gweledol yn Theatr y Mwldan ac i wneud y gorau posibl o botensial Oriel y Mwldan i werthu ac i wneud arian.

• Dod o hyd i nawdd addas er mwyn sicrhau gwireddu amcanion y polisi.

Amserau Agor yr Oriel
10yb - 8yh Dydd Llun - Dydd Sul

Arddangosfeydd y Gorffennol a'r Dyfodol | Arddangosfeydd Presennol | Polisi y Celfyddydau Gweledol | Gyfarwyddiadaus