Sut i sicrhau fod eich gwaith yn cael ei ddewis

Os oes gennych ddiddordeb mewn cynnal arddangosfa yn Oriel Mwldan, y cam cyntaf yw anfon atom eich manylion ac enghreifftiau diweddar o’ch gwaith (ffotograffau wedi eu printio, digidol neu sleidiau) wedi eu labelu’n glir gyda’ch enw, teitl y gwaith, dyddiad, cyfrwng a mesuriadau ynghyd ag unrhyw ddeunydd cyhoeddusrwydd diweddar gan gynnwys catalogau. O safbwynt gwaith tafluniedig, dylech gyflwyno cynllun i’r Oriel, os gwelwch yn dda, ynghyd â thystiolaeth ategol ac enghraifft o’ch prisiau. Nodwch unrhyw ofynion arbennig ynglyn ag arddangos, gosod a chadw darluniau yn eich cais, os gwelwch yn dda.

Mae Oriel Mwldan yn gweithredu ar yr egwyddor o raglen tair blynedd sy’n cynnwys dewis cytbwys o gelfyddydau gweledol gan arlunwyr proffesiynol, arlunwyr newydd a grwpiau cymunedol. Mae o leiaf ddeuddeg mis o amser dirwyn fel arfer.

Bydd Oriel Mwldan yn ymdrechu i anfon ymateb i bob cais ac i ddychwelyd eiddo’r ymgeisydd. Nid yw Oriel Mwldan, fodd bynnag, yn derbyn unrhyw gyfrifoldeb os bydd y cais yn cael ei golli neu ei niweidio.

Cytundeb
Ar ôl cael eich dewis, bydd Oriel Mwldan yn anfon Cytundeb Artist at yr artist neu’r sefydliad er mwyn i’r cytundeb hwnnw gael ei arwyddo a’i anfon yn ôl i gydnabod derbyn telerau ac amodau’r Oriel.

Gosod y Gwaith
Os nad oes trefniadau eraill wedi eu gwneud, cyfrifoldeb yr artist(iaid) fydd cludo’r gwaith i ac o’r oriel gan sicrhau ei fod yn cyrraedd ac yn cael ei gasglu erbyn yr amser a’r dyddiad a drefnwyd gan Oriel Mwldan.

Dylid gosod set o labeli ar y gwaith yn nodi eich enw, teitl y gwaith, dyddiad, cyfrwng a dimensiwn a’r pris, os yn berthnasol. Rhaid i’r gwaith gael ei bacio’n ofalus a dylid gosod labeli yn ddiogel ar y tu allan i’r deunydd pacio cyn iddo gyrraedd yr oriel. Dylid cyflwyno gwaith dau ddimensiwn gyda phlatiau drych yn eu lle yn barod ar gyfer ei arddangos. Rhaid trafod unrhyw newidiadau i’r trefniadau uchod gyda staff yr Oriel cyn yr arddangosfa.

Bydd Oriel Mwldan yn gyfrifol am ddewis ac arddangos y gwaith terfynol.

Derbyniadau

Ar hyn o bryd, ein polisi yw talu costau’r derbyniad a bydd y sawl/rhai sy’n arddangos yn darparu’r gwin ac ati.

Cyhoeddiadau
Mae Oriel Mwldan yn awyddus i bob arddangosfa fod yn llwyddiant ac mae’n dymuno hysbysebu rhaglen yr Oriel mor bell ymlaen llaw ag sy’n bosibl. Bydd Oriel Mwldan yn gyfrifol am gynhyrchu’r arwyddion ar gyfer yr arddangosfa, rhestr brisiau, os yn berthnasol, cynllun y poster ac am argraffu copïau er mwyn hysbysebu’r arddangosfa, yn unol ag arddull ddylunio'r Oriel ei hun, heb godi unrhyw gost ychwanegol ar yr arlunydd(arlunwyr). Rhaid trafod unrhyw ofynion ychwanegol.

Er mwyn ein cynorthwyo i baratoi arwyddion a rhestr brisiau erbyn diwrnod agor yr arddangosfa, gofynnwn i’r sawl / rhai sy’n arddangos gyflwyno’r manylion canlynol ymlaen llaw:

• Teitl y gwaith, dyddiad, cyfrwng, dimensiynau
• Pris, os yn berthnasol

Gwerthiant a Chomisiwn

Pan fydd gweithiau ar werth, bydd Oriel Mwldan yn derbyn comisiwn sy’n gyfwerth â 35% o’r pris adwerthu. Bydd Oriel Mwldan yn talu unrhyw werthiannau sydd wedi dod i ran yr arddangoswr (arddangoswyr) drwy siec ac yn anfon anfoneb gyda datganiad amgaeedig cyn pen 10 diwrnod gwaith i ddiwedd y digwyddiad..

Yswiriant a diogelwch

Mae’r Oriel, o safbwynt diogelwch, wedi’i gosod yn Nosbarth C, sy’n golygu nad yw’n cael ei goruchwylio’n rheolaidd, er bod camerâu diogelwch wedi’u gosod yn eu lle. Mae Oriel Mwldan yn derbyn cyfrifoldeb dros waith yr artistiaid, hyd at £41,280 o ran gwerth, tra bydd y gwaith hwnnw yn yr adeilad. Mae’n ofynnol eich bod yn rhoi gwybod i’r Oriel os bydd eich gwaith yn werth mwy na’r swm uchod er mwyn i ni drefnu yswiriant ychwanegol dros gyfnod yr arddangosfa.

Am fanylion pellach, cysylltwch ag Oriel Mwldan drwy lythyr, os gwelwch yn dda:
Ymholiadau Oriel Mwldan, Theatr Mwldan, Heol Bath House, Aberteifi, Ceredigion, SA43 1JY
neu anfonwch neges e-bost i sam@mwldan.co.uk

Amserau Agor yr Oriel
10yb - 8yh Dydd Llun - Dydd Sul

Arddangosfeydd y Gorffennol a'r Dyfodol | Arddangosfeydd Presennol | Polisi y Celfyddydau Gweledol | Gyfarwyddiadaus