Datganiad Personol

Mae’r ffotograffydd celfyddyd gain, Diane Walkey, yn cyflwyno cyfres o bortreadau sy’n darlunio arlunwyr Gorllewin Cymru yn eu stiwdios. Mae’r prosiect cyfredol, rhyfeddol hwn yn darlunio artistiaid sydd wedi hen ennill eu plwyf, unigolion fel John Knapp-Fisher a Philip Sutton RA yn ogystal ag arlunwyr iau megis Sophie Mafanwy Wellan. Drwy gyfrwng y prosiect hwn, mae Diane yn ceisio croniclo a dogfennu byd yr arlunydd yng Ngorllewin Cymru gan gyflwyno ar yr un pryd ddatganiad personol ac ymateb unigryw i’r testun. Tynnwyd yr holl luniau yn y sioe hon ar stoc o ffilm Fujicolor gyda chamera Mamiya fformat canolig.

Cafodd gwaith Diane Walkey ei arddangos yn helaeth, gan Y Gymdeithas Ffotograffig Frenhinol yn ogystal ag yn yr Amgueddfa Wyddoniaeth yn Llundain, a hi oedd enillydd cystadleuaeth Ffotograffiaeth Genedlaethol yr Independent Energy Saving Trust yn 2003. Yn ogystal â ffotograffiaeth, mae Diane yn ymwneud â phaentio yn ogystal ag Addysg Gelf ac mae’n diwtor gyda Choleg Agored y Celfyddydau (sy’n gysylltiedig â’r Brifysgol Agored).

Magwyd Diane ar Benrhyn Gwyr ger Abertawe a bu’n byw yn Sir Benfro ers pymtheg mlynedd. Mae’n gweithio mewn nifer o ddisgyblaethau, ac yn eu plith gwaith gyda phaent a phapur a bydd yn arddangos yn rheolaidd gyda Stiwdios Agored Aberteifi a Grwp Artistiaid Teifi.

Derbyniodd y prosiect hwn nawdd gan Gyngor Sir Penfro, Colab UK a Creative Mwldan Creadigidol.

Amserau Agor yr Oriel
10yb - 8yh Dydd Llun - Dydd Sul

Arddangosfeydd y Gorffennol a'r Dyfodol | Arddangosfeydd Presennol | Polisi y Celfyddydau Gweledol | Gyfarwyddiadaus