|
|
oriel mwldan |
|
Cymdeithas Dyfrlliw Cymru Sadwrn 19 Ebrill – Sadwrn
24 Mai 2008 Ffurfiwyd y gymdeithas ym 1959 gan arlunwyr tebyg eu hanian a oedd yn awyddus i gydweithio ac i hybu cyfrwng lluniau dyfrlliw yng Nghymru. Mae eu hetifeddiaeth yn parhau wrth i’r gymdeithas gynnal arddangosfeydd celf rheolaidd ac arwyddocaol ar draws y Dywysogaeth. Mae’r arddangosfeydd hyn yn amrywio o ran cynnwys ac arddull, o dirluniau i bortreadau ac o’r golchiad mwyaf llydan i’r manylyn mwyaf cain, ond yn ddiddorol ac yn gyffrous bob tro, gan ddangos bywyd Cymru a’i golygfeydd yn ei holl harddwch a’i lliw. Ar hyn o bryd, mae gan y gymdeithas oddeutu deugain o aelodau sy’n dod o nifer o wahanol gefndiroedd artistig ac yn paentio mewn dyfrlliw a chyfryngau dŵr-hydawdd eraill yn bennaf. Mae ei rhengoedd yn cynnwys arlunwyr proffesiynol yn ogystal ag aelodau sy’n dod o gefndiroedd cymdeithasol eraill, ac mae’n wir, yn ddi-os, bod y gymdeithas yn cynrychioli rhai o’r arlunwyr mwyaf dychmygus a dylanwadol sy’n byw yng Nghymru. Mae’r Gymdeithas yn ymdrechu i gydgerdded â’r byd celf bythol-gyfnewidiol yn nhermau arddull, technegau a chyfryngau newydd, ac mae’n awyddus i recriwtio doniau newydd a thalentau sy’n dod i’r amlwg yng Nghymru. Ceir mwy o fanylion ar ein gwefan www.watercolourwales.co.uk Gwefan: www.watercolourwales.co.uk Amserau Agor yr Oriel Arddangosfeydd y Gorffennol a'r Dyfodol | Arddangosfeydd Presennol | Polisi y Celfyddydau Gweledol | Gyfarwyddiadaus Am mwy o wybodaeth, gofynnwych yn y swyddfa docynau |
|