Cymdeithas Gelf Aberteifi

Sioe Haf 2008
5 Gorffennaf – 2 Awst 2008

Hanes

Sefydlwyd Cymdeithas Gelf Aberteifi ar ddechrau’r chwedegau gan griw o unigolion brwd, dan arweiniad Francis Mason, oedd yn awyddus i drefnu arddangosfa gelf ddwywaith y flwyddyn yn y dref ar gyfer pobl o bob gallu, yn amaturiaid a phroffesiynol fel ei gilydd, a ddymunai arddangos eu gwaith. Cynhaliwyd y traddodiad hwn ar hyd y blynyddoedd ac mae Cymdeithas Gelf Aberteifi wedi cyflwyno arddangosfeydd mewn nifer o wahanol leoliadau gan gynnwys ysgol Eglwys y Santes Fair, siop yn gwerthu manion gwnïo a chaban a ddefnyddid ar un adeg gan y sgowtiaid.

Cychwynnwyd ar brosiect i drawsnewid lladd-dy segur y dref yn theatr gymunedol gan Theatr Aberteifi, grwp drama amatur y dref. Roedd hwn yn gyfle rhagorol i aelodau Cymdeithas Gelf Aberteifi a dechreuodd y grwp ymwneud â’r fenter ac aeth ati i ddarparu nawdd ar gyfer ardal arddangos oddi mewn i’r adeilad.

Ym 1995, lansiwyd Prosiect Datblygu uchelgeisiol er mwyn trawsnewid ac ymestyn y theatr bresennol yn oedfan fwy o ran maint. Lansiodd Theatr Mwldan gyfleuster arall, sef oriel newydd ~ Oriel Mwldan ~ yn 2004. Fe’i lluniwyd er mwyn gallu cynnig rhaglen o arddangosfeydd proffesiynol, teithiol a chymunedol.

Bob blwyddyn, caiff Cymdeithas Gelf Aberteifi ei chynnwys yn rhaglen Oriel Mwldan, a hynny i gydnabod cefnogaeth y gymdeithas, ei hymrwymiad i’r gymuned ac i’r celfyddydau gweledol. Ar hyn o bryd, mae amrywiaeth gynyddol yn nodweddu aelodaeth y gymdeithas ac mae hyn yn amlygu’r llwyddiant artistig sy’n bosibl oddi mewn i’r gymuned leol.

Mae’r gymdeithas yn croesawu aelodau newydd ar sail egalitaraidd a heb roi ystyriaeth i allu technegol. Mae ganddi raglen gynhwysfawr o sgyrsiau, arddangosiadau a gweithdai ynghyd â chyfleoedd i ddatblygu sgiliau ac mae cefnogaeth galonogol wrth law ar bob adeg. Mae sbectrwm eang o arddulliau a thechnegau artistig o’r fath yn addo rhywbeth fydd o ddiddordeb i bawb.

Amserau Agor yr Oriel
10yb - 8yh Dydd Llun - Dydd Sul

Arddangosfeydd y Gorffennol a'r Dyfodol | Arddangosfeydd Presennol | Polisi y Celfyddydau Gweledol | Gyfarwyddiadaus