ARGRAFFWYR ABERYSTWYTH

Llun 20 Chwefror – Mercher 22 Mawrth 2006

Sefydlwyd Argraffwyr Aberystwyth Printmakers gan grŵp bach o arlunwyr sy'n defnyddio amrywiaeth o dechnegau argraffu yn eu gwaith, gan gynnwys ysgythriad, lithograffi, sgrin-brintio, ysgythriad pren, torlun pren a thorlun leino. Prif nod y grwp yw hybu'r grefft o wneud printiau drwy gyfres o sgyrsiau, darlithoedd, arddangosiadau ac arddangosfeydd o'u gwaith. Mae'r sioe yn Oriel Mwldan yn dilyn arddangosfeydd llwyddiannus yn Oriel Cambria, Tregaron ac yng Nghanolfan y Celfyddydau, Aberystwyth yn 2005.

Nod tymor hir y grŵp yw sefydlu gweithdy argraffu mynediad-agored o safon fyd-eang yn Aberystwyth a fydd yn darparu cyfleusterau cyflawn ar gyfer gwneud printiau i'w aelodau. Ar hyn o bryd, mae'r grwp yn defnyddio gweithdy bychan sy'n gysylltiedig â Chanolfan Gorwelion ar Ffordd Llanbadarn yn Aberystwyth ac o fis Ionawr 2006 bydd y lle hwn ar agor yn rheolaidd i unrhyw un sydd â diddordeb mewn ysgythru a phrintio cerfweddol. Hyd yma, mae gan y grŵp oddeutu 35 o aelodau. Os hoffech ddod yn aelod, cysylltwch, os gwelwch yn dda, â’r ysgrifennydd, Robert Carpenter ar 01545 570 065 neu Paul Croft yn puc@aber.ac.uk

Amserau Agor yr Oriel
10yb - 8yh Dydd Llun - Dydd Sul

Arddangosfeydd y Gorffennol a'r Dyfodol | Arddangosfeydd Presennol | Polisi y Celfyddydau Gweledol | Gyfarwyddiadaus