Angie Teiger
Datganiad Personol

Teithio a myfyrio fu’n gyfrifol am gryn dipyn o’r ysbrydoliaeth a roddodd fod i’m gwaith yn ystod y degawd a aeth heibio. Bûm ar nifer o deithiau yn ymweld â diwylliannau eraill naill ai yn sgil gwahoddiad i arddangos (Uzbekistan 1995, India a Siapan 1997, Ourense, Galicia, Gogledd Sbaen 2003) neu’n mynychu cyrsiau preswyl (Fondacion Valparaiso, Mojacar, Andalucia, Sbaen 2004).

Weithiau, byddaf yn mynd gyda’r syniad o archwilio f’amgylchedd newydd; dro arall byddaf yn archwilio syniadau a damcaniaethau y deuthum ar eu traws mewn deunydd darllen. Yn ystod f’arhosiad yn Kerala, lle bûm yn arddangos fy ngwaith euthum ati i archwilio’r syniadau a gofnodwyd gan George Borrows (1803-81) yn ei weithiau lle mae’r awdur a’r teithiwr hwnnw o Loegr yn awgrymu mai o Dde’r India y daeth y Cymry’n wreiddiol.

Yn Uzbekistan, daeth y syniad o Ganolbarth Asia fel gwlad lle tarddodd y Diaspora Westwards Celtaidd yn sbardun i arddangosfa a gynhaliwyd yn Oriel Mwldan ym 1996, arddangosfa a aeth oddi yno ar daith i Lundain.

Cyn mynd ar fy nhaith i Mojacar y llynedd, darllenais fod Pobl y Biceri (cred rhai mai nhw fu’n gyfrifol am adeiladu ail ran Côr y Cewri) wedi dod yn wreiddiol o Orynys Iberia, ar begwn eithaf de-orllewin cyfandir Ewrop. Daeth tystiolaeth o’u taith i’r amlwg mewn cloddfa yng Nghôr y Cewri.

Mae’r arddangosfa adolygol hon yn rhoi sylw i’m gwaith dros gyfnod o ddeng mlynedd ar hugain. Ymhlith fy ngweithiau ceir paentiadau a thecstilau a ysbrydolwyd gan ysbryd fy amgylchfyd, naill ai yn fy stiwdio yn Llangrannog, neu’n ystod fy ymchwil a’m hanturiaethau mewn gwledydd tramor.

Amserau Agor yr Oriel
10yb - 8yh Dydd Llun - Dydd Sul

Arddangosfeydd y Gorffennol a'r Dyfodol | Arddangosfeydd Presennol | Polisi y Celfyddydau Gweledol | Gyfarwyddiadaus