Mae Theatr Mwldan yn gartref i wyliau drwy gydol y flwyddyn

Ym mis Ionawr a Chwefror ...

gwyl ffilm MWLDAN film festival yn dathlu’r cyfoeth i sinema a’r gorau o ffilmiau rhyngwladol cyfredol am bythefnos ym mis Ionawr a Chwefror. Mae’r ŵyl bellach yn ei hunfed blwyddyn ar ddeg ac mae wedi gweld cynulleidfaoedd yn cynyddu o 126% anferthol yn ystod y blynyddoedd diwethaf. Bwriad yr ŵyl yw i ddathlu cyfoeth byd y ffilm tra’n cael ein diddanu, cynhyrfu a’n goleuo gan y gorau ym myd y sinema o gartref a thramor.

Ym mis Mawrth ...

Gŵyl Cymru un Byd (WOW!) yw’r ŵyl ryngwladol sy’n ddathliad o ffilmiau a’r pwer unigryw sydd ganddynt i gynhyrfu pobl, i’w hysbrydoli ac yn y pendraw i drawsnewid eu bywydau am byth.

Mae Gŵyl WOW! sy’n cael ei redeg gan Gyfarwyddwr yr ŵyl David Gillam, yn teithio ar draws Cymru ac yn ymddangos yn Theatr Mwldan ym mis Mawrth. Mae WOW! yn cynnwys amrywiaeth wych o’r gorau mewn ffilmiau o bedwar ban y byd ar gyfer eich dileit a’r digrifwch.

Gŵyl Stori’r Ddraig Biws Dyma ddathliad o’r stori yn ei holl ffurfiau, gyda golwg leol, genedlaethol a rhyngwladol ar y stori am ddeng niwrnod ym mis Mawrth.

Hyrwyddir Gŵyl Stori’r Ddraig Biws gan theatr Mwldan, Llyfrau Parthian a Menter Aberteifi. Mae’r rhanfwyaf o’r digwyddiadau yma’n digwydd yn y Mwldan ond cadwch lygad mas am ddigwyddiadau stori a llyfr ar draws y dref.

Ym mis Mai ...

Gŵyl Gerddoriaeth AMP (Celfyddydau/Cerddoriaeth/Perfformiadau) dyma sefydliad cymunedol leol newydd sy’n gysegredig i hyrwyddo’r celfyddydau, cerddoriaeth a pherfformiad, wedi’i gyflwyno mewn partneriaeth â Theatr Mwldan. Dros ŵyl y banc ym mis Mai, mae AMP yn cyflwyno perfformiadau byw gan sawl artist o Gymru, artistiaid rhyngwladol a lleol sy’n rhychwantu amrywiaeth eang o arddulliau cerddorol. Mae AMP hefyd yn trefnu sawl gweithdy am ddim drwy gydol penwythnos yr ŵyl.